தற்போது நான் பி.எஸ்சி., கம்ப்யூட்டர் சயின்சில் 3ம் ஆண்டு படிக்கிறேன். சில மாதங்களுக்கு முன்பு வீட்டில் சொன்னதால் பாங்க் கிளார்க் தேர்வுக்கு விண்ணப்பித்திருந்தேன். அதற்காக புத்தகங்களும் வாங்கி பயிற்சியை மேற்கொண்டேன். ஆனால் என்னால் வெற்றி பெற முடியவில்லை. உடனடியாக ஒரு சிறப்புப் பயிற்சி நிறுவனத்திலும் சேர்ந்தேன். ஆனால் அந்த வகுப்புகள் முடிவடைந்த பின் என்னால் போட்டித் தேர்வுகளில் கவனம் செலுத்த முடியவில்லை. படிப்பில் மட்டும் தான் கவனம் உள்ளது. போட்டித் தேர்வு வகுப்புகளுக்காக செலவழித்த பணம் வீணாகிவிட்டதாக என் சகோதரர் கூறுகிறார். என்ன செய்யலாம்? | Kalvimalar - News

தற்போது நான் பி.எஸ்சி., கம்ப்யூட்டர் சயின்சில் 3ம் ஆண்டு படிக்கிறேன். சில மாதங்களுக்கு முன்பு வீட்டில் சொன்னதால் பாங்க் கிளார்க் தேர்வுக்கு விண்ணப்பித்திருந்தேன். அதற்காக புத்தகங்களும் வாங்கி பயிற்சியை மேற்கொண்டேன். ஆனால் என்னால் வெற்றி பெற முடியவில்லை. உடனடியாக ஒரு சிறப்புப் பயிற்சி நிறுவனத்திலும் சேர்ந்தேன். ஆனால் அந்த வகுப்புகள் முடிவடைந்த பின் என்னால் போட்டித் தேர்வுகளில் கவனம் செலுத்த முடியவில்லை. படிப்பில் மட்டும் தான் கவனம் உள்ளது. போட்டித் தேர்வு வகுப்புகளுக்காக செலவழித்த பணம் வீணாகிவிட்டதாக என் சகோதரர் கூறுகிறார். என்ன செய்யலாம்?ஆகஸ்ட் 09,2009,00:00 IST

எழுத்தின் அளவு :

பட்டப்படிப்பு படிக்கும் போதே போட்டித் தேர்வுகள் எழுதி வேலைக்குச் செல்ல நினைப்பது மிக ஆரோக்கியமான அம்சம். அதற்காக சிறப்புப் பயிற்சி நிறுவனத்தில் சேர்ந்து படிப்பதென்பது மிகவும் புத்திசாலித்தனமான முடிவு தான். ஆனால் அந்த வகுப்புகள் முடிவடைந்த பின் தொடர்ந்து பயிற்சியை மேற்கொள்வது என்பது உங்களது கைகளில் தான் உள்ளது. உங்களது பட்டப்படிப்புப்புக்காக நீங்கள் என்ன 24 மணி நேரமும் படித்துக் கொண்டா இருக்கிறீர்கள்? எவ்வளவு மணி நேரம் ‘டிவி’, கம்ப்யூட்டர், மொபைல் பேச்சு என்பதில் கழிகிறது என்பதை யோசித்துப் பாருங்கள். டைம் மேனேஜ்மென்டில் புத்திசாலித்தனமாக விளங்கும் இளைஞர்களால் ஒரே நேரத்தில் படிப்பு, போட்டித் தேர்வு, அடுத்தவருக்கு உதவுவது என்று எத்தனையோ ஆக்கபூர்வமான செயல்களில் ஈடுபட முடிகிறது. இன்னமும் கூட காலம் கழியவில்லை. எனவே படிப்போடு சேர்ந்தே போட்டித் தேர்வுகளிலும் நீங்கள் மிளிர முடியும் என்ற நம்பிக்கையைப் பெற்று அதற்கேற்ப தயாராகுங்கள்.

Advertisement
Search this Site
dinamalar advertisement tariff

Copyright © 2024 www.kalvimalar.com.All rights reserved | Contact us