முதல்பக்கம் » பாடப்பிரிவுகள் - எங்களைக் கேளுங்கள்

பிளஸ் 2 படித்து வருகிறேன். 2 ஆண்டுகளில் எங்கு பட்டப்படிப்பைப் பெறலாம்? சீக்கிரமாக வேலையில் சேர விரும்புகிறேன்.டிசம்பர் 26,2008,00:00 IST

முதலில் 2 ஆண்டுகளில் படித்து முடிக்கக் கூடிய பட்டப்படிப்பு என்பது எதுவுமில்லை என்பதை அறியுங்கள். உங்களைப் போல பிளஸ் 2 படிக்கும் மாணவர்கள் எவ்வளவு தகவல்களை அறிந்து வைத்திருக்கிறார்கள் என்பதை கொஞ்சம் கவனித்து நீங்கள் எவ்வளவு பின்தங்கியிருக்கிறீர்கள் என்பதைப் பற்றி யோசியுங்கள்.

சீக்கிரமாக வேலையில் சேர விரும்புவதில் தவறில்லை. ஆனால் 3 ஆண்டுப் படிப்பை அதற்காக 2 ஆண்டுகளில் படிக்க முடியுமா? இந்தியாவெங்கும் பட்டப்படிப்பு என்பது 3 ஆண்டு படிப்பு தான். ஒருங்கிணைந்த பட்டப்படிப்பு என்பது 5 ஆண்டுகள் படிப்பு. பட்டப்படிப்பு + பட்ட மேற்படிப்பு இரண்டையும் சேர்த்து 3 + 2 ஆண்டுகள் படிக்க வேண்டும்.

பிளஸ் 2 முடிக்கவிருக்கும் நீங்கள் அதன் பின் இவற்றில் ஒன்றில் சேரலாம். படிக்கும் போதே உங்களது பொது அறிவு, தகவல் தொடர்புத் திறன் ஆகியவற்றை வளர்த்துக் கொண்டால் நல்ல வேலை ஒன்றை நீங்கள் பெறுவதில் சிரமம் இருக்காது என நம்பி முயற்சியை துவங்குங்கள்.