அரியர் தேர்வு ரத்தை ஏற்க முடியாது: சென்னை உயர்நீதிமன்றம் | Kalvimalar - News

அரியர் தேர்வு ரத்தை ஏற்க முடியாது: சென்னை உயர்நீதிமன்றம்ஏப்ரல் 09,2021,07:41 IST

எழுத்தின் அளவு :

சென்னை: அரியர் தேர்வுகளை ரத்து செய்து அனைவரும் தேர்ச்சி என்ற தமிழக அரசின் உத்தரவை ஏற்க முடியாது என சென்னை உயர்நீதிமன்றம் மறுப்பு தெரிவித்துள்ளது.


இந்தியா முழுவதும் கொரோனா பரவல் காரணமாக கடந்தாண்டு ஊரடங்கு அமல்படுத்தப்பட்டது. அப்போது 12-ம் வகுப்புக்கான பொதுத்தேர்வைத் தவிர மற்ற அனைத்து வகுப்புகளுக்கும் தேர்ச்சி என தமிழக அரசு அறிவித்தது. அதேபோல் கல்லூரியில் இறுதி செமஸ்டரை தவிர்த்து மற்ற செமஸ்டரில் அனைவரும் தேர்ச்சி என அறிவித்தது.


மேலும் அரியர் தேர்வுகளையும் ரத்து செய்து அனைவரும் தேர்ச்சி என தமிழக அரசு உத்தரவு பிறப்பித்தது. இதற்கு மாணவர்களிடையே வரவேற்பு இருந்தாலும் கல்வியாளர்கள் மத்தியில் எதிர்ப்பு கிளம்பியது. தமிழக அரசின் உத்தரவை எதிர்த்து சென்னை உயர்நீதிமன்றத்தில் வழக்கு தொடரப்பட்டது.


இந்த வழக்கு இன்று (ஏப்., 07) விசாரணைக்கு வந்தது. அப்போது நீதிபதிகள் கூறுகையில், 'அரியர் தேர்வில் அனைவரும் தேர்ச்சி என்ற தமிழக அரசின் உத்தரவை ஏற்க முடியாது. அரியர் வைத்துள்ள மாணவர்களுக்கு தேர்வு நடத்த தமிழக அரசு பரிசீலனை செய்ய வேண்டும். தேர்வுகளை நடத்துவது குறித்து பல்கலைக்கழக தேர்வாணையம் மற்றும் தமிழக அரசு கலந்து ஆலோசிக்க வேண்டும்,' என கூறினர்.


மேலும், தேர்வு எழுதுவதற்கு விண்ணப்பித்தவர்கள் எத்தனை பேர்?, தேர்ச்சி பெற்றவர்கள் எத்தனை பேர்? என்பதை பல்கலைக்கழகங்கள் வாரியாக தெரிவிக்க வேண்டும் என தமிழக அரசுக்கு உத்தரவிட்டதுடன் வழக்கை வரும் 15ம் தேதிக்கு ஒத்திவைத்தனர்.


Advertisement

வாசகர் கருத்து

No Comments Found!
உங்கள் கருத்தைப் பதிவு செய்ய :
(Press Ctrl+g to toggle between English and Tamil)

பெயர்

மின்னஞ்சல்

இடம் (அ) நகரம்

நாடு

உங்கள் கருத்து :

Search this Site
dinamalar-advertisement-tariff-2021

Copyright © 2021 www.kalvimalar.com.All rights reserved | Contact us