சண்டிகாரிலுள்ள இந்தோ-ஸ்விஸ் டிரெய்னிங் சென்டர் நடத்தும் படிப்புகள் பற்றி நண்பன் கூறினான். ஆனால் முழு விபரங்கள் தெரியவில்லை. | Kalvimalar - News

சண்டிகாரிலுள்ள இந்தோ-ஸ்விஸ் டிரெய்னிங் சென்டர் நடத்தும் படிப்புகள் பற்றி நண்பன் கூறினான். ஆனால் முழு விபரங்கள் தெரியவில்லை.செப்டம்பர் 15,2008,00:00 IST

எழுத்தின் அளவு :

ஐ.ஐ.டிக்களும் இன்ஜினியரிங் கல்லூரிகளும் மட்டுமே சிறந்த இன்ஜினியரிங் படிப்புகளைத் தருவதில்லை என்பதை அறிவீர்களா? கடுமையான கிராக்கியுள்ள இன்ஜினியரிங் படிப்பை நடத்தும் பல நிறுவனங்களில் நீங்கள் குறிப்பிட்டுள்ள இந்தோ-ஸ்விஸ் டிரெய்னிங் சென்டரும் ஒன்று.

இது மத்திய அறிவியல் உபகரணக்கழகத்தால் நடத்தப்படுவது. சுவிட்சர்லாந்திலுள்ள சுவிஸ் பவுண்டேஷனின் ஒத்துழைப்போடு இது செயல்பட்டுவருகிறது. இது பின்வரும் படிப்புகளை நடத்துகிறது.

  • டிப்ளமோ இன் இன்ஸ்ட்ருமென்ட் டெக்னாலஜி- 3 ஆண்டு படிப்பு
  • அட்வான்ஸ்ட் டிப்ளமோ இன் மெக்கட்ரானிக்ஸ் அண்ட் இண்டஸ்ட்ரியல் ஆட்டோமேஷன் (4 ஆண்டு படிப்பு)
  • அட்வான்ஸ்ட் டிப்ளமோ இன் டை அண்ட் மோல்ட் மேக்கிங் (4 ஆண்டு)

அட்வான்ஸ்ட் டிப்ளமோ இன் மெக்கட்ரானிக்ஸ் அண்ட் இண்டஸ்ட்ரியல் ஆட்டோமேஷன் படிப்பை ஏ.ஐ.சி.டி.இ., அங்கீகரித்துள்ளது. மற்ற 2 படிப்புகளையும் மத்திய அரசு அங்கீகரித்துள்ளது.

இந்த நிறுவனத்தின் படிப்புகள் ஹைடெக் மெஷின்களைக் கொண்டு நடத்தப்படுகின்றன. நடைமுறைப் பயிற்சிக்கு அதிகமான முக்கியத்துவம் தரும் இந்தப் படிப்புகளைப் போல பிற நிறுவனங்களின் படிப்புகள் நடைமுறைப் பயிற்சியைத் தருவதில்லை. தொழில் நிறுவனங்களுக்குத் தேவைப்படும் உபகரணங்களையும் உபபொருட்களையும் இது செய்து தருவதால் படிக்கும் போதே நடைமுறைத் திறன்களை மாணவர்கள் வளர்த்துக் கொள்ள முடிகிறது.

பத்தாம் வகுப்பு அல்லது பிளஸ் 2 தகுதியுடையவர் இப்படிப்புகளுக்கு விண்ணப்பிக்கலாம். பிளஸ் 2ல் கணிதம், இயற்பியல், வேதியியல் படித்திருப்போர் இதற்கு விண்ணப்பிக்கலாம். நுழைவுத் தேர்வு மூலமாகத்தான் இப்படிப்புகளில் சேர முடியும். இதில் ஆங்கிலம், கணிதம், அறிவியல் மற்றும் பொது அறிவு ஆகியவற்றிலிருந்து கேள்விகள் இடம் பெறுகின்றன.

ஆண்டுக்கு சுமார் 15 ஆயிரம் ரூபாய் வரை விடுதிக் கட்டணம் உட்பட பெறப் படுகிறது. இது பற்றிய விளம்பரங்கள் செய்தித்தாள்களில் வெளியிடப்படுகின்றன. பார்த்து விண்ணப்பிக்கவும்.

Advertisement
Search this Site
dinamalar advertisement tariff

மேலும்

Copyright © 2024 www.kalvimalar.com.All rights reserved | Contact us