இந்தோனிசிய பல்கலை உதவித்தொகை | Kalvimalar - News

இந்தோனிசிய பல்கலை உதவித்தொகைஜூலை 02,2021,00:00 IST

எழுத்தின் அளவு :

இந்தோனிசியா அரசாங்கத்தின் கல்வி அமைச்சகத்தின் கீழ் செயல்படும் லம்ப்புங் பல்கலைக்கழகம் வெளிநாட்டு மாணவர்களுக்கு உதவித்தொகையுடன் மாணவர் சேர்க்கையை வழங்குகிறது.


படிப்பு நிலைகள்:

பல்கலைக்கழகத்தில் வழங்கப்படும் இளநிலை பட்டப்படிப்புகள், முதுநிலை பட்டப்படிப்புகள் மற்றும் ஆராய்ச்சி படிப்புகளுக்கு உதவித்தொகை வழங்கப்படுகிறது. 


பிரிவுகள்:

எக்னாமிக்ஸ் அண்ட் பிசினஸ், சோசியல் அண்ட் பொலிட்டிக்கல் சயின்சஸ், லா, டீச்சர் டிரைனிங் அண்ட் எஜுகேஷன், மேத்மெடிக்ஸ் அண்ட் நேச்சுரல் சயின்சஸ், அக்ரிகல்ச்சர், இன்ஜினியரிங், மெடிசின் ஆகிய பிரிவுகளின் கீழ் ஏராளமான படிப்புகள் வழங்கப்படுகின்றன. 


தகுதிகள்:


* இந்தோனிசியா குடிமகனாக இருக்கக் கூடாது. 


* பல்கலைக்கழகத்தில் முழுநேரமாக வழங்கப்படும் ஏதேனும் ஒரு இளநிலை பட்டப்படிப்பு /  முதுநிலை பட்டப்படிப்பு அல்லது ஆராய்ச்சி படிப்பில் சேர்க்கை பெற முழு விருப்பம் இருத்தல் வேண்டும். 


* இந்தோனிசிய மொழியை பேச் தெரிதல் அவசியம் அல்லது இந்தோனிசிய மொழி படித்ததற்கான சான்றிதழ் அல்லது பி.ஐ.பி.ஏ.,  சான்றிதழ் வைத்திருக்க வேண்டும்.


* மாணவர் சேர்க்கைக்கான நேர்முகத்தேர்வில் பங்கேற்க சுற்றுலா விசாவில் இந்தோனிசியா செல்ல விருப்பம் இருக்க வேண்டும் அல்லது வீடியோ வாயிலாகவும் நேர்முகத்தேர்வு நடைபெற வாய்ப்புள்ளது.


விண்ணப்பிக்கும் முறை:

பல்கலைக்கழகத்தின் அதிகாரப்பூர்வ இணையதளம் வாயிலாக ஆன்லைனில் மட்டுமே விண்ணப்பிக்க வேண்டும். பள்ளி மேல்நிலை வகுப்பு சான்றிதழ் / டிப்ளமா / இளநிலை பட்டப்படிப்புகள் அல்லது முதுநிலை பட்டப்படிப்புகளுக்கான சான்றிதழ் மற்றும் ஆங்கில மொழி அல்லது இந்தோனிசிய மொழி கற்றலுக்கான சான்றிதழ், மாணவரது சுய விபரம், பாஸ்போர்ட், மாணவரது புகைப்படம் ஆகியவற்றுடன் விண்ணப்பிக்க வேண்டும்.


உதவித்தொகை விபரம்:

கல்விக் கட்டணம், உணவு, தங்குமிட வசதி, ஸ்டடி பர்மிட் ஆகியவை உதவித்தொகையில் அடங்கும். 


விபரங்களுக்கு

 

இணையதள முகவரி: http://io.unila.ac.id/university-of-lampung-scholarship


வாட்ஸ் ஆப் எண்: +62-81369197495


Advertisement
Search this Site
dinamalar-advertisement-tariff-2021

மேலும்

Copyright © 2021 www.kalvimalar.com.All rights reserved | Contact us