எனது மகன் பி.இ., இறுதியாண்டு முடிக்கவிருக்கிறார். அவரது படிப்பைத் தவிர சாப்ட் ஸ்கில்ஸ் என்னும் திறமைகளையும் வளர்த்துக் கொள்ள வேண்டும் என அடிக்கடி கேள்விப்படுகிறேன். சாப்ட் ஸ்கில்ஸ் என்றால் என்ன? | Kalvimalar - News

எனது மகன் பி.இ., இறுதியாண்டு முடிக்கவிருக்கிறார். அவரது படிப்பைத் தவிர சாப்ட் ஸ்கில்ஸ் என்னும் திறமைகளையும் வளர்த்துக் கொள்ள வேண்டும் என அடிக்கடி கேள்விப்படுகிறேன். சாப்ட் ஸ்கில்ஸ் என்றால் என்ன?ஏப்ரல் 11,2009,00:00 IST

எழுத்தின் அளவு :

சாப்ட் ஸ்கில்ஸ் எனப்படும் மென்திறன்கள் தான் ஒருவரது வேலையை இன்று தீர்மானிக்கின்றன. நமது பாடத்திறன்களுடன் ‘ஸாப்ட்’ திறன்களையும் வளர்த்துக் கொள்ள வேண்டும் என்றே வேலை தரும் நிறுவனங்கள் எதிர்பார்க்கின்றன. இன்று வேலை வாய்ப்புத் துறையால் அதிகம் பேசப்படும் வார்த்தையும் இது தான். ஒரு நிறுவனத்தின் அடிப்படை உற்பத்தி அல்லது சேவையோடு தொடர்புடையது அந்த நிறுவனத்திற்குத் தேவைப்படும் சாப்ட் திறன்கள்.

அடிப்படையில் சாப்ட் திறன்கள் என்றால்
* தகவல் தொடர்புத் திறன்கள்
* சக ஊழியர் அல்லது பணியாளரோடு பழகும் திறன்கள்
* குழுத் திறன்கள்
* தலைமை தாங்கி வழி நடத்தும் திறன்கள்
* அடிப்படை சுபாவம்
* இணைந்து செயலாற்றும் மனப்பாங்கு
* தட்டிக்கொடுத்து ஊழியர்களை ஊக்குவித்து அவர்களது அடிப்படை செயலாற்றும் திறனை மேம்படுத்தும் திறமை ஆகியவற்றைக் கூறலாம்.

இன்று இந்த சாப்ட் ஸ்கில்ஸ் மேம்பாட்டுக்கு உதவ எண்ணற்ற மனிதவள மேம்பாட்டு பயிற்சி நிறுவனங்கள் மதுரை போன்ற சற்றே பெரிய நகரங்களில் செயல்படுகின்றன. ஊரகப் பகுதியில் படிக்கும் உங்களைப் போன்ற மாணவர்களுக்கு இவை நிச்சயம் உதவும். இன்ஜினியரிங் இறுதியாண்டில் நுழைந்தவுடன் இவற்றில் சேரலாம். ஒருவர் தானாகவே சாப்ட்ஸ்கில்ஸை வளர்த்துக் கொள்வதும் முடியாத காரியமல்ல.

ஆங்கிலத்தை வளர்த்துக் கொள்ளும் முயற்சிகள், செய்தித்தாள் வாசிப்பு, பொதுவான தலைப்புகளை விளையாட்டாக நண்பர்களோடு விவாதித்தல் போன்றவற்றை தொடர்ந்து பொழுதுபோக்காக செய்தாலே இவை வளர்ந்து விடும். அவரது பாடத்தில் பெற்றிருக்கும் திறன்களைப் போலவே இந்த மென்திறன்களும் மிக மிக முக்கியம்.

Search this Site

Copyright © 2017 www.kalvimalar.com.All rights reserved | Contact us