கடலியல் எனப்படும் ஓசனோகிராபி பற்றி விளக்கவும்? | Kalvimalar - News

கடலியல் எனப்படும் ஓசனோகிராபி பற்றி விளக்கவும்? ஏப்ரல் 27,2008,00:00 IST

எழுத்தின் அளவு :

ஓசன் எனப்படுவது பெருங்கடலை குறிப்பது. படிப்பவருக்கு ஆர்வத்தை மேலும் மேலும் துõண்டக்கூடிய துறை இது. பெருங்கடல் பற்றிய படிப்பு என்பதால் எப்போதும் கடலில் தான் இருக்க வேண்டுமோ என எண்ண வேண்டாம். கடலோரங்கள், கடல் நீர், கடல் படுகை, ஆற்றல் வளங்கள், உயிர்வளங்கள், என கடல் தொடர்பான பலவற்றைப் பற்றியும் ஆழமாக படிப்பதே இத்துறை. உயிரியல், வேதியியல், நிலவியல், நிலஇயற்பியல், கணிதம், பொறியியல் என அனைத்துத் திறன்களும் இப்படிப்பு படிப்பவருக்கு தேவைப்படுகிறது.

கடலியல் கெமிக்கல் ஓசனோகிராபி, ஜியாலஜிகல் ஓசனோகிராபி, பயாலஜிகல் ஓசனோகிராபி, பிசிகல் ஓசனோகிராபி என சிறப்புப் படிப்புப் பிரிவுகளைக் கொண்டிருக்கிறது. கடலுக்கு அடியிலுள்ள வேதியியலைப் படிப்பது கெமிக்கல் ஓசனோகிராபி. கடல் மட்டத்திற்கு அடியிலுள்ள பூமியின் மேற்பரப்பைப் பற்றிப் படிப்பது ஜியாலஜிகல் ஓசனோகிராபி. கடல்களுக்கு அடியிலுள்ள உயிர்களைப் பற்றி, அதாவது, மரைன் லைப் பற்றிப் படிப்பது பயாலஜிகல் ஓசனோகிராபி. அலைகள், தட்பவெப்பம், உப்புத் தன்மை போன்றவற்றைப் பற்றிப் படிப்பது பிசிகல் ஓசனோகிராபி.

பேக்கேஜிங், மரைன் மார்க்கெட்டிங் மற்றும் மரைன் ஏற்றுமதி போன்ற துறைகளிலும் பொதுத் துறை நிறுவனங்களிலும் சிறப்பான வேலை வாய்ப்புகள் இந்தப் படிப்பை முடிப்பவருக்குக் கிடைக்கின்றன. மேலும் ஜியாலஜிகல் சர்வே ஆப் இந்தியா, தட்பவெப்பத் துறைகள், சுற்றுச் சூழல் பாதுகாப்பு மையங்கள் மற்றும் அமைப்புகளிலும் நல்ல வேலைகளைப் பெற முடிகிறது.

Search this Site

Copyright © 2014 www.kalvimalar.com.All rights reserved | Contact us